之前一直用速成，轉左用Mac之後開始打倉頡，因為Mac好user friendly，唔洗打曬全部碼就出
到字。我ED半桶水嘅人好易上手，打頭2個碼好多時出就到我想要嘅字。

但係有D平時少字用嘅字就唔識打，要花好多時間去選字，所以都係用少少時間學返好。

大約睇左少少網上resource，發現其實識左九成，係補返少少missing knowledge，之後直接玩D打字練習，表現都ok。比我想像
中快上手。以下係我重温倉頡嘅resources：

倉頡Overview

非常有用嘅文：

1. 總結每個字碼代表嘅筆劃
2. 總結取碼規則
   一野就連結左我打咁耐速成嘅經驗，仲指出左我缺少左嘅倉頡知識，令我可以快速補完唔識嘅野。

輔助字形表

有D筆劃好複雜，好易會唔記得或者記錯對應嘅字碼。E個表就可以做一個
reminder。睇完之後，我強力推薦E個網入邊嘅輔助字形練習。

倉頡字典

有唔識打嘅字，係查字典之前，可以亂打試下。遇到唔識取嘅字碼，可以用「重」字碼代替。「重」字碼就好以regex嘅星號咁，
代表任何字碼。係Mac入邊，仲會列出推薦字表入邊嘅字嘅完整倉頡碼，可以唔洗查字典。

如果真係要查嘅話，我會用E個，因為有D字佢會show埋佢點樣取碼，
幫助理解，唔洗死記。

唔同嘅倉頡version

有D字係唔同version嘅倉頡有唔同打法，例如係個「函」字，係舊版係「弓山水」，新版係「山弓水」。但係mac幫我地handle左，2個打法都出到個「函」字。