E本書講點樣係現今E個變化多端嘅世界，客觀公正地接收資訊同make decision。
作者係一個經濟學教授，而且佢係TED上面做個share，係夠qualified。
D point幾solid，幾實用，值得一睇。
書入面有D例子都幾得意。

這個決定將改變你的人生

掌控瘋狂運轉的世界

Just an introduction of the book, talk how what will be mentioned. It also gives some questions to reflect your thinking process

永遠睜大眼

人只會睇到自己注意嘅野，見到但係冇注意嘅野，大腦會自動忘記

看到老虎看到蛇

注意最明顯資料以外嘅野

• 鍛練觀察力
  • 練習關注小事物嘅技巧
    • 集中精神去思考，同感覺一D微細嘅事物
• 謹記數字只係故事嘅一部份
  • 唔係所有重要嘅野都可以用數字去衡量
  • 留意有D咩係數字講唔到俾你知
• 留意資訊有冇過份省略事實
• 個性樂觀同過度樂觀係兩回事
  • 接收資訊要保持客觀，過度樂觀咁去理解現實情況，會低估問題嘅嚴重性
• 要主動尋求資訊去推翻你已經相信嘅諗法
  • 有冇人可以做你嘅「挑戰長」，時常提醒你？
• 為自己保留多D思考時間
• 放慢腳步，避免犯下思考錯誤
• 清除占用太多注意力嘅日常分心事物
• 唔好過份依賴過去嘅經驗
• 準備後備方案，而且願意改變方向
• 可以嘅話，唔好係需要之前，太早做決定
• 要敞開心胸，想像未來唔同嘅可能性
  • 未來嘅改變會點樣影響你思考同做決定？
• 坦然接受事情唔係好似預期咁發展
• 唔好因成功而自滿，都唔好俾失敗定義你
  • 2者都係一時嘅事，都係一個學習嘅機會

神祕的納可利瑪人

要確認資訊提供者冇操控我地，同時要留意自己有冇俾偏見影響

• 確認自己唔好俾一D冇關嘅提示(例如顏色，氣味等)影響自己，而贊成或反對某個決定
• 剝除煽動性或情緒性嘅語言
  • 做決定嘅時候，要用最平淡嘅方式寫低關鍵要素
• 記住我地相當容易受到「包裝」影響
• 留意周圍有冇任何嘅「錨」，數字或資料點，ED人可能無意間依據而做出決定嘅野
  • 想像同你偏好相反嘅環境，可以令你知道自己有冇受到影響
• 如果可以「設定」環境，盡量識背景空白
• 變換接收資訊嘅形式
  • 百分比vs比例
  • 故事vs統計數據
  • 彩色vs黑白文件
• 暫時脫離決策環境
  • 做決定前先散下步，離開一下房間

成為自己的真相守護者

不再盲從，挑戰專家

專家都係人，會犯錯，會受偏見影響，唔好當專家講嘅野當金科玉律，要批判思考，決定嘅最終所有權係你自己

• 自己學習，成為專家
  • 可以揾人guide下你
• 比較唔同嘅專家
  • 最少要有三個唔同意見
  • 專家都有唔同等級
• 宣稱自己「完全確定」嘅專家通當唔係咁可靠
  • 代表唔夠客觀，好難做到好嘅決定
• 要了解專家
  • 過往嘅經驗
  • 有幾跟得上最新嘅研究同技術
    • 當新研究推翻左舊理論時，專家要有改正自己決策嘅能力
  • 決策嘅方法同根據
• 高高在上，唔肯俾你參與嘅專家，唔係尋求意見嘅正確人選

牧羊人與科學家的話，誰比較可信？

• 尋求有第一手經驗嘅人嘅故事同講法
  • 專家有時未必有「貼地」嘅資訊
• 透過制度，係內部尋找意見
  • 設定時間俾管理層回應大家提出嘅idea
  • Leader要俾大家知道，你願意聽人講野，同他人學習
• 有困難時，要係更多人嘅身上獲取多元觀點
• 尋求行外專家意見
  • 可以從另一個角度睇問題
• 要正確使用行外專家知識
  • 人地嘅經驗未必可以apply係你身上
  • 人地嘅睇法唔一定合理

##上網……要小心

公民記者與網路側聽

• 可以利用有興趣嘅topic嘅crowd-sourcing網站，如果未有，可以自己建立一個
• 唔係所有網路資訊都可信
• 可以諗下有咩方式可以利用側聽科技
  • 例如Monitor social network去了解顧客
• Social network上流行嘅資訊，可以只係少部份嘅事件，未必有代表性，或者反映事實嘅全貌
• 可以用Google trends去留意轉變嘅風潮

網路上的真真假假

• 可以花兩分鐘去了解網絡資訊嘅可信性
  • 找出資訊來自邊個
    • 佢係咪佢聲稱嘅人？有冇可能係網絡分身
    • 佢有冇咩目的？
    • 有冇有有信譽嘅人做擔保？
• 判斷資訊來源係「意見」定係「事實」
  • 有冇偏見？
  • 證據有冇造假？可唔可信？
• 當主張好極端，要小心深深入了解
  • 留意極端唔代表意見係錯誤
• 留意資料來源所講嘅野，係咪符合你已知嘅事實
• 如果個係主題你未了解，有冇人可以幫你評估？
  • 借助他人嘅專業去驗證
• 瀏覽一下網絡，睇下其他人有冇同樣嘅講法

培養你的生存技能

克服你的數學焦慮

• 唔好怕數學，數學係可以學嘅
• 對眼前數據做出反應之前，可以問下自己
  • 準備數據嘅人有冇特定意圖？有冇可能俾人調整過？
  • 圖表嘅視覺效果有冇被人distort
• 要將數字放入適當嘅脈絡中思考
• 檢查人地俾你嘅資料，有冇為左突出某個重點，經過裁剪，篩選
• 睇完資料後，要花時間諗下有咩資料係冇睇到，睇左可以幫助了解全貌
• 要留意研究結果嘅測試對象
• 諗下點解數據或資料係相關
  • 都要考慮下人地嘅解釋係咪正確
• 要留意問卷填寫人嘅類別，會唔會誠實作答，受訪人嘅代表性有幾高
• 要留意係絕對風險評估定相對風險評估
  • 相對風險增加100%，但如果絕對風險只係0.1%，個風險只係增加0.1%，風險其實唔高

英雄的七情六欲

人嘅決定好受身體影響，係一個唔可以忽視嘅因素。
學習辨認、定義、理解自己嘅情緒，避免自己俾感情同偏見扭曲，係做決策相當重要嘅事

• 別讓血糖下降
• 做決定前
  • 要夠訓
  • 釐清當下感覺
  • 回復平靜狀態
• 壓力大嘅時候，好似有不自覺嘅偏見
• 努力減少工作場所嘅壓力來源
• 減少notification，爭取平靜嘅時刻去處理重要事務
• 減少要做嘅決定
  • 可以delegate你嘅工作俾其他人

改造的時刻到了

擁抱異議，鼓勵不同

• 重組social network
  • 避免只同同自己相似嘅人交流
  • 唔好只關注同自己相似嘅人，要主動留意黎自唔同國家，唔同年齡嘅人嘅訊息
• 小心網絡嘅從眾傾向
• 主動尋求異議同多元化觀點
  • 可以透過組成多元化團隊達成
• 面試嘅時候，要小心唔好過度被相似度影響
• 開會時，俾冇開口嘅人講先，鼓勵佢地提出意見
• 俾唔同圈子嘅人，協助解決具有挑戰性嘅問題
  • 新鮮嘅見解同做事方法可以挑戰主流想法，帶黎更聰明嘅決策

有趣嘅故事

• Nokia 恥笑iPhone過唔到摔機測試
  • iPhone用家根本唔care
  • 人對手機嘅要求已經大大改變
• Harry Potter系列因多個大出版商誤判而拒絕出版，最後落入一個小出版商手中
• 文章標題嘅隱喻會影響人嘅決策
  • 讀到將犯罪比喻成野獸嘅人，比較多提議增強警力，加建監獄
  • 讀到將犯罪比喻成病毒嘅人，比較多提議教育改造或社會改造
• Google以T shirt做獎品，俾員工下注預測product幾時可以release
  • 係一個方法去統計員工嘅諗法
• 有人參加左2011年全球網域名稱大會之後唔舒服。之後係facebook揾參加左大會，而且又唔舒服嘅人，最後發現係集體退伍軍人症
• World war 2嘅時候，Geoffrey Tandy用佢嘅海藻知識，整乾珍貴嘅密碼文件，幫助破解Enigma machine.